Autor: Ueli Ryser

Bärn Bärn Bärn i ha di gärn….

Uf dUhr luege, uf zBähnli seckle, dür dLoube hetze, am Tram uswiche, bim Schiud ga Hose choufe, u so schnäu wi müglech wieder zum Bahnhof.
Nüt vo lädele, nid emau ga käfele. So gah nig öppe i dStadt.
Aber nid hüt. Hüt gah ig aus Turischt. Üse Franz Schafroth erwartet üs am zwöi uf dr Untertorbrügg. DBärnerbrünne wot är us zeige u vone verzeue.

DFigure sigi leider nümme d Originau. Mi heigse kaput gmacht oder si
sig verwätteret. Ds Wasser vo de Brünne heigme früecher zum läbe
brucht aber o, für öppe Bränd zlösche.
Agfange heimer bim Löiferbrunne, de zum Vennerbrunne,
Zähringerbrunne, Ryfflibrunne, Schützebrunne, Pfifferbrunne, Grächtigkeitsbrunne, Chindlifrässerbrunne, Anna-Seilerbrunne, Mosesbrunne, Simonbrunne, u de näbem Wäutposchtbrunne verbi uf dr chline Schanze ga dUssicht uf dStadt u dBärge gniesse.
Dr Franz het viu Intressants gwüsst vo dene Brünne zverzeue. Es hätti öppe no hundert meh vo dene ir Stadt. Aues uswändig, eifach vor Läbere wäg. Mir Manne vom SuisseGym Team heisech gwüss grad e chli müesse ga erhole u si de dür dMättu u düre änglische Garte im Tramdepot glandet. Bi herrlecher Abesunne umenes Bier heimer de dä schön Stadtbummu chönne la setze u är blibt üs i schöner Erinnerig.

Mit beschtem Dank üsem Franz.

Bärn Bärn Bärn du bisch mi Schtärn……

«Es guets Profiu müesster ha, wenigschtens a de Schueh». So het üs dr Kari uf die hütigi Wanderig vorbereitet.

Im Näbu simer bim Bahnhof Schüpfe losgwanderet. D`Sunne het aber überem Schüpbärg azeigt, dass iri Schtrale dä Näbu gli wird wägfrässe.
Nachere Ufwärmrundi dür di öschtlechi, ländlechi Gägend vom Dorf hei mir de dr Waud vom Schüpbärg erreicht.
» Wenn bruchemer de üses Profiu»? Hei mir gföblet! Gli isches de opsi gange, u de wie. Fasch sänkrächt isches gsi u chli gschlifrig. Aber i bi dr einzig gsi, wo mit dräckige Chnöi obe isch acho.

D`Sunneschtrahle hei üs erwartet u het wunderschöni Biuder i Tannewaud zouberet. Es komisches, grüens Gfährt het zeigt, dass üse Otto o scho isch acho.
Amene sunnige Waudplatz obe am Schwandbärg het üs dÈlisabeth mitemene deckte Tisch empfange. Schüpfe-Züpfe mit Schpäck het si ufgschnitte. (Igfleischti Kenner wüsse, es git kei besseri Züpfe uf dere Wäut). Zäme mit üsem Gipfuwi e unschlagbari Verpflegig.
Bim Abschtieg heimer de ungeremene Weidezuhn müesse düreschnahge u hei de zGfüeuh gha, itz sigmer ämu de wider gnue ufglade.
Bire Hüehnerfarm u Chüehweid verbi, hets de vom Chiucheturm grad füfi gschlage, wo mir bim Bahnhof ds Schüpfe si acho.

Merci Elisabeth, merci Kari für di wunderschöni, gmüetlichi Oktoberwanderig.
Ueli Ryser

Wanderung durch den Golfpark und rund um den Moossee.

Die schönste Zeit im Leben sind die kleinen Momente, in denen du spürst, du bist zur richtigen Zeit am richtigen Ort.

Trotz dem kühlen Wind, bewegen sich – Coronakonform – 30 Beine von der Seerose Richtung Golfpark. Auf einer grossen Fläche zeigt
sich die Anlage sehr gepflegt, mit einigen Biotops und Bächen.

Was golfen wohl kostet? Selbstfahrende Trollys, Ausrüstung, entsprechende
Kleidung, Jahresbeitrag usw.

Nun, ein wunderschöner Biberdamm entzückt uns. Ohne Schnickschnack und Platzreife entstand hier ein massives schönes Bauwerk.

Zurück bei der Seerose starten wir gleich die Umrundung des Moossees. Auf einer Plattform geniessen wir die verdiente Wanderpause.
Einen Ort, den man einfach geniessen muss.
Am Südufer queren wir ein wunderbar gestalteter Spiel- und Picknickplatz, bevor wir ein Relikt aus der Pfahlbauerzeit am Moossee bestaunen.
Der Rückweg zur Seerose entlang der Bielstrasse ist dann weniger beschaulich. Da haben wir genügend Zeit, zusammen zu plaudern und denken auch an unsere Turnkameraden, die sich von schweren Erkrankungen erholen und hoffentlich bald wieder zu uns stossen werden.

Bis am nächschte Fritig am zwöi!
Ueli Ryser